<肥仔米線要暫別大家啦😢> 荃灣米線店數數都有幾間出名嘅，但啱我口味嘅其中一間就係呢間肥仔米線。可惜都係不敵疫情嘅影響，9月19號就要結業啦！大家快啲把握機會去食啦～ 返工係荃灣，有時都會去食下佢地嘅米線，今次聽到要結業就星期五食lunch去咗幫襯下！佢地嘅米線係幾彈同埋好滑，個湯好濃但食完又唔會特別口渴！餸方面好鍾意佢地個墨魚頭，超爽彈㗎👍🏻 另外都見好多人嗌雞絲、腩肉，但我未試過呢！結業前希望仲有機會可以去食多次啦🙏🏻 PS 食米線嘅途中仲聽到有個員工姨姨話「唉，要失業啦！」真係覺得心酸⋯希望佢地可以另覓鋪位重開啦！ 雲南小鍋米線📍 地址: 荃灣兆和街32號地下 更多生活日常請移玉步至Instagram👉🏻https://bit.ly/2QfSFNc #荃灣美食 #救救餐飲業 #小店 #米線 #雲南米線